საქართველოს პრეზიდენტს გიორგი მარგველაშვილს „ქართული ოცნების“ პარტიულ ყრილობაზე დასასწრები მოსაწვევი ჯერჯერობით არ მიუღია. საპარლამენტო უმრავლესობის წარმომადგენელი მანანა კობახიძე აცხადებს, რომ პრეზიდენტის დასწრება ყრილობაზე აუცილებელი არ არის:
“პარტიის გადასაწყვეტია, შესაძლებელია არც იყოს. აუცილებელია პრეზიდენტი ჩვენს ყრილობას ესწრებოდეს? მე არ ვფიქრობ რომ ეს არის აუცილებელი, ეს ყოველ შემთხვევაში არც პრეზიდენტს დააკლებს რამეს და არც ჩვენ მოგვიმატებს რამეს“ – აღნიშნა მანანა კობახიძემ.