მანანა კობახიძე: ადამიანმა სწორედ ამ დღეს მამა დაკრძალა და ასეთ დროს მტერსაც კი თანავუგრძნობთ ხოლმე

news
: news იანვარი 8, 2017 12:31

მანანა კობახიძე: ადამიანმა სწორედ ამ დღეს მამა დაკრძალა და ასეთ დროს მტერსაც კი თანავუგრძნობთ ხოლმე

საპარლამენტო უმრავლესობის წევრ მანანა კობახიძის განცხადებით, არცერთ შემთხვევაში ძალადობას გამართლება არ აქვს.

ამის შესახებ მანანა კობახიძე „რუსთავი 2“-ის გენერალურ დირექტორ ნიკა გვარამიაზე თავდასხმის შეფასებისას, სოციალურ ქსელ “ფეისბუქის” პირად გვერდზე წერს.

“სამწუხაროა, რაც მოხდა, ორმაგად სამწუხარო, რადგან, თურმე ადამიანმა სწორედ ამ დღეს მამა დაკრძალა და ასეთ დროს მტერსაც კი თანავუგრძნობთ ხოლმე.

არცერთ შემთხვევაში, ძალადობას გამართლება არა აქვს, ეს დანაშაულია და დასჯადია. ჩვენ ნუ დავემსგავსებით მათ, ვისაც უსამართლობის გამო ვებრძოდით და ვინც, საზოგადოებამ სწორედ, ადამიანებზე ძალადობის და უსაზღვრო ცინიზმის გამო ჩამოაშორა ხელისუფლებას.

კანონის წინაშე პასუხს აგებს ყველა, ვისაც ბრალი მიუძღვის. აი, “ფეხქვეშ მიწის წვის” მუქარით კი, სამწუხაროდ, თავადვე, ისევ იმ დროს ახსენებენ საზოგადოებას, მართლა მიწა რომ იწვოდა ათასობით დაპატიმრებული, ნაწამები, დასახიჩრებული, გაუბედურებული ადამიანის და მათი ოჯახის წევრების ფეხქვეშ, რაც არამგონია მართებული იყოს და ხელს ნამდვილად არ უწყობს ამ მძიმე წარსულის დავიწყებას თუ პატიებას”,- წერს მანანა კობახიძე.

news
: news იანვარი 8, 2017 12:31

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,714
ვიზიტორი
დღეში
Powered By Google Analytics