მან მკითხა, ხომ არ იცი, რატომ არ არის ამდენი ხანი დეკანოზი შეწყალებულიო – ნიკა გვარამია პატრიარქთან შეხვედრის დეტალებზე საუბრობს

თაიმერი timer.ge
ავტ.: თაიმერი timer.ge მარტი 17, 2018 21:28

მან მკითხა, ხომ არ იცი, რატომ არ არის ამდენი ხანი დეკანოზი შეწყალებულიო – ნიკა გვარამია პატრიარქთან შეხვედრის დეტალებზე საუბრობს

მნიშვნელოვანი

  • მან მკითხა, ხომ არ იცი, რატომ არ არის ამდენი ხანი დეკანოზი შეწყალებულიო - ნიკა გვარამია პატრიარქთან შეხვედრის დეტალებზე საუბრობს

სხვა სტატიები

„დარწმუნებული ვარ, როგორ პროფესიონალი იურისტი, დეკანოზი გიორგი მამალაძე არის უდანაშაულო,“ – ამის შესახებ ნიკა გვარამიამ შაბათის კურიერის პირდაპირ ეთერში განაცხადა.

მან საპატრიარქოში ვიზიტის შესახებ ისაუბრა, როდესაც ის ილია მეორეს შეხვდა და ე.წ. ციანიდის საქმეზე ისაუბრეს.

„მან მითხრა, რომ არ ვიცი ბოლომდე ეს საქმე იმიტომ, რომ ბევრი ახსნა და სიმართლე მივიღე, ბევრი პოზიცია მოვისმინე და მაინტერესებს, შენ რას ფიქრობო. მე ვუთხარი, რომ დარწმუნებული ვარ, ეს ადამიანი უდანაშაულოა-მეთქი. შემდეგ მომაყოლა, რატომ მგონია, რომ უდანაშაულოა. ვუთხარი, რომ ვაპირებ პრეზიდენტთან საუბარს, მისვლას, შეხვედრის თხოვნას და საუბარს დეკანოზ მამალაძის შეწყალებასთან დაკავშირებით. მან მკითხა, ხომ არ იცი, რატომ არ არის ამდენი ხანი დეკანოზი შეწყალებული, რაზეც ვუთხარი, რომ არ მაქვს ინფორმაცია, მაგრამ ვაპირებ პრეზიდენტთან საუბარს. მითხრა, რომ, თუ მე დარწმუნებული ვარ ჩემს პოზიციაში და ვთვლი საჭიროდ, რომ უნდა მივიდე, ეს აუცილებლად უნდა გავაკეთო და მე ამას გავაკეთებ,“ – განაცხადა ნიკა გვარამიამ.

ნიკა გვარამიამ ისაუბრა, თუ ვისი მიწვევით მივიდა საპატრიარქოში. მისი თქმით, შეხვედრა ერთობლივი სურვილით შედგა.

„მე არსად მითქვამს, რომ პატრიარქმა დამიბარა. ეს იყო საერთო სურვილი ერთგვარად. არავისთვის მითხოვია, რომ, გინდა თუ არა, უნდა მიმიღოთ. მზად ვარ ყოველთვის პატრიარქთან შესახვედრად. იყო შემთხვევები, როც მე ვთხოვე შეხვედრა, იყო შემთხვევა, როცა მე მთხოვდნენ მისვლას. მე პატრიარქის მრევლი ვარ და მისი საპატრიარქოში მიწვევა ჩემთვის დიდი პატივია,“ – განაცხადა ნიკა გვარამიამ.

გვარამიამ აღნიშნა, რომ პატრიარქთან ერთად იყვნენ ადამიანები, რომელთან თანდასწრებითაც მას საუბარი არ სურდა.

„თანმხლები პირები ჩემი მხრიდან იქ არ იყვნენ, ერთადერთი დაცვა მახლდა. იქ დამხვდნენ ადამიანები, რომელთან საუბრის სურვილი მე არ მქონდა, ყველასთან არა, რა თქმა უნდა და მე მათი თანდასწრებით არ ვაპირებდი პატრიარქთან გასაუბრებას. ის ადამიანები, ვინც იქ იყვნენ, მათ შორის არიან ფიგურანტები არიან იმ საქმეში, რომლის გამოც გიორგი მამალაძე ციხეში იმყოფება,“ – აღნიშნა ნიკა გვარამიამ.

თაიმერი timer.ge
ავტ.: თაიმერი timer.ge მარტი 17, 2018 21:28

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,233
ვიზიტორი
დღეში
Powered By Google Analytics