რუსეთში მოღვაწე ბიზნესმენი და პრორუსული პარტია „სოლიდარობა მშვიდობისთვის“ ლიდერი მამუკა ფიფია აცხადებს, რომ საქართველოში ევროპული პროექტი საბოლოოდ ჩავარდა.
მისი თქმით, დასავლური ფასეულობები ქართული საზოგადოებისთვის მიუღებელია, ხოლო პრემიერ-მინისტრმა ირაკლი კობახიძემ სიმართლე პირდაპირ უნდა უთხრას მოსახლეობას.
„საქართველოში ევროპული პროექტი საბოლოოდ ჩავარდა. დროა პრემიერ-მინისტრმა სიმართლე პირდაპირ უთხრას ქართველ ხალხს. ჩვენთვის მიუღებელია დასავლური ფასეულობები, მათთვის კი ჩვენი ტრადიციები“, — აცხადებს მამუკა ფიფია.
ამასთან, ფიფია გამოეხმაურა პრემიერის განცხადებას 1783 წლის გეორგიევსკის ტრაქტატთან დაკავშირებით. მისი თქმით, ის ეთანხმება კობახიძეს იმაში, რომ ტრაქტატმა ქართული სახელმწიფოებრიობა და ქრისტიანობა გადაარჩინა, თუმცა არ იზიარებს მოსაზრებას, თითქოს ეს ნაბიჯი ევროპისკენ მიმავალ გზას წარმოადგენდა.
