ვფიქრობ, რომ ეს გარკვეული, მოდი დავარქვათ გადახალისება და პოსტების, თანამდებობების, პოზიციების გაცვლა ორივე მხრივ ახალი სისხლის შეტანაა, ვფიქრობ, პროცესს კიდევ უფრო დინამიურს გახდის, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.
მისი თქმით, ღარიბაშვილსაც და კობახიძესაც აქვთ ძალიან კარგი გამოცდილება.
„მათ აქვთ კარგი გამოცდილება მენეჯმენტის, პარტიული მუშაობის კუთხით, მათ აქვთ, როგორც გუნდის შიგნით, ისე ქვეყანაში განსაკუთრებული ავტორიტეტი. ვფიქრობ, რომ მათი მენეჯერული, პროფესიონალური უნარები, პატრიოტიზმი ამ ქვეყანას გააძლიერებს. თამამად შეგვიძლია ვთქვათ, რომ საკონსტიტუციო უმრავლესობისთვის ვიბრძოლებთ და არა უბრალოდ გამარჯვებისთვის. ეს არის ჩვენი პარტიული შედეგების მიმართ ჩვენი დამოკიდებულება. ყველა მიმართულებით ჩვენ კიდევ უფრო მეტი პროგრესი გვინდა, რომ გვქონდეს და ეს გადახალისება ამაში კიდევ უფრო მოგვეხმარება“, – განაცხადა მდინარაძემ.
