მამუკა მდინარაძე სახელმწიფო მინისტრად დაამტკიცეს.
შესაბამისი ცვლილებები “საქართველოს მთავრობის სტრუქტურის, უფლებამოსილებისა და საქმიანობის წესის შესახებ” კანონში 84 ხმით 10-ის წინააღმდეგ მიიღეს. მდინარაძე სამართალდამცავი ორგანოების კოორდინაციის საკითხებში საქართველოს სახელმწიფო მინისტრი და ვიცე-პრემიერი იქნება.
კობახიძემ სამთავრობო ცვლილებები 21 აპრილს დააანონსა. სუს-ის უფროსის პოსტზე მდინარაძე შინაგან საქმეთა ყოფილმა მინისტრმა, გეკა გელაძემ ჩაანაცვლა. შს მინისტრად აჭარის მთავრობის ყოფილი თავმჯდომარე, სულხან თამაზაშვილი დაინიშნა. აჭარის მთავრობას კი ზურაბ პატარაძე უხელმძღვანელებს.
