პირობას გაძლევთ, შოუ სრული კრახით დამთავრდება,- ამის შესახებ საზოგადოებრივი მოძრაობა “ლელოს” დამფუძნებელმა მამუკა ხაზარაძემ მის წინააღმდეგ ბრალდების საქმეზე წინასასამართლო სხდომის დაწყებამდე განაცხადა.
მისივე თქმით, დაცვის მხარეს წარმოდგენილი აქვს ყველა მტკიცებულება, რომელიც რაიმე დანაშაულებრივ ტრანზაქციას გამორიცხავს.
„ესენი არიან დაქირავებული პროკურორები, რომლებიც ემსახურებიან არა სამართლიანობას, არამედ ბიძინა ივანიშვილს. ეს ყველაფერი დამთავრდება. თითიდან გამოწოვილი ბრალდებები და ეს აბსურდი დამთავრდება. პროკურატურა ჩიხშია, რადგან დოკუმენტალურად ყველა გადარიცხვა, ყველა ბენეფიციარი, ყველა ტრანზაქცია წარმოდგენილია. ვნახოთ, რას მოითხოვს პროკურატურა”, – განაცხადა ხაზარაძემ.