მამუკა ბახტაძე : საქართველოს პრეზიდენტის არჩევნები ქვეყანაში შედგა, სალომე ზურაბიშვილმა თითქმის 20%-იანი უპირატესობით გაიმარჯვა

თაიმერი timer.ge
ავტ.: თაიმერი timer.ge ნოემბერი 30, 2018 12:36

მამუკა ბახტაძე : საქართველოს პრეზიდენტის არჩევნები ქვეყანაში შედგა, სალომე ზურაბიშვილმა თითქმის 20%-იანი უპირატესობით გაიმარჯვა

საქართველოს პრემიერ-მინისტრმა, მამუკა ბახტაძემ საპრეზიდენტო არჩევნების მეორე ტურში მაღალი სამოქალაქო პასუხსიმგებლობისთვის ამომრჩევლებს მადლობა გადაუხადა.

როგორც მამუკა ბახტაძემ დღევანდელ ბრიფინგზე განაცხადა, ცესკო-ს მიერ ხმების 100 პროცენტი დათვლილია, საქართველოს პრეზიდენტის არჩევნები ქვეყანაში შედგა.

„სალომე ზურაბიშვილმა თითქმის 20%-იანი უპირატესობით გაიმარჯვა. კიდევ ერთხელ ვულოცავ ქალბატონ სალომეს ამ გამარჯვებას და წარმატებას ვუსურვებ საქართველოს პრეზიდენტის პოსტზე. მას უკვე მიულოცეს პრეზიდენტად არჩევა ჩვენი მეგობარი ქვეყნის ლიდერებმაც . არჩევნებზე დაფიქსირდა მაღალი აქტივობა. კიდევ ერთხელ მადლობა თითოეულ ამომრჩეველს გამოჩენილი მაღალი სამოქალაქო პასუხისმგებლობისთვის. მადლობა ცესკო-ს ყველა თანამშრომელს საარჩევნო პროცესის ასეთ მაღალ დონეზე ორგანიზებისთვის. მადლობა როგორც საერთაშორისო ასევე ადგილობრივ სადამკვირვებლო მისიებს, ბევრ მათგანს პირადად ვთხოვე გაეზარდათ დამკვირვებლების რაოდენობა და როგორც პირველ, ასევე მეორე არჩევნების დროს იყო ასეთი დიდი რაოდენობით დამკვირვებლები ბევრ უბანზე. მადლობა შსს-ს როგორც პირველ ასევე მეორე ტურში გამოჩენილი პროფესიონალიზმისთვის, მიუხედავად პროვოკაციებისა და ექსცესებისა მათ თავიანთი მოვალეობები მართლაც სანიმუშოდ შეასრულეს. მადლობა ჩვენს მხარდამჭერებს ნდობის ასეთი ხარისხისთვის”, – განაცხადა ბახტაძემ.

თაიმერი timer.ge
ავტ.: თაიმერი timer.ge ნოემბერი 30, 2018 12:36

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,266
ვიზიტორი
დღეში
Powered By Google Analytics