მამუკა ბახტაძე : გვწამს, რომ ეკონომიკის განვითარების მთავარი მამოძრავებელი ძალა უნდა იყო ქართული ბიზნესი და უნდა იყვნენ ქართველი მეწარმეები

თაიმერი timer.ge
ავტ.: თაიმერი timer.ge თებერვალი 26, 2019 10:47

მამუკა ბახტაძე : გვწამს, რომ ეკონომიკის განვითარების მთავარი მამოძრავებელი ძალა უნდა იყო ქართული ბიზნესი და უნდა იყვნენ ქართველი მეწარმეები

გვწამს, რომ საქართველოს ეკონომიკის განვითარების მთავარი მამოძრავებელი ძალა უნდა იყო ქართული ბიზნესი და უნდა იყვნენ ქართველი მეწარმეები, – ამის შესახებ საქართველოს პრემიერ-მინისტრმა, მამუკა ბახტაძემ ბიზნესომბუდსმენის აპარატის საქმიანობის 2018 წლის ანგარიშის წარდგენაზე განაცხადა.

როგორც მამუკა ბახტაძემ აღნიშნა, ბიზნესომბუდსმენის ინსტიტუტი არის კრიტიკულად მნიშვნელოვანი რგოლი იმ სტრატეგიაში, რომელსაც საქართველოს მთავობა ვახორციელებთ.

„გვწამს, რომ საქართველოს ეკონომიკის განვითარების მთავარი მამოძრავებელი ძალა უნდა იყო ქართული ბიზნესი და უნდა იყვნენ ქართველი მეწარმეები. შესაბამისად, დიალოგს მთავრობასა და ბიზნესს შორის აქვს განსაკუთრებული, კრიტიკულად მნიშვნელოვანი როლი. რამდენიმე დღის წინ „ფიჩმა“ გაზარდა ჩვენი საკრედიტო რეიტინგი და დღევანდელი დღის მდგომარეობით, ჩვენ ვართ რეგიონში ერთადერთი ქვეყანა, ვისაც ეს რეიტინგი გაუზარდეს. მოგეხსენებათ, რომ გასული წლის მეორე ნახევარი იყო განსაკუთრებით რთული რეგიონისთვის და შესაბამისად, ეს წარმატება კიდევ უფრო მნიშვნელოვანია. ბუნებრივია, ეს წარმატება განპირობებულია სწორედ ძალიან ნაყოფიერი თანამშრომლობით, რომელიც არსებობს ხელისუფლებასა და კერძო სექტორს შორის“, – განაცხადა მამუკა ბახტაძემ.

მისივე თქმით, ყველა ინიციატივა, რომელსაც საქართველოს ხელისუფლება განახორციელებს, აუცილებლად იქნება შეჯერებული კერძო სექტორთან.

„მე ჯერ კიდევ ფინანსთა მინისტრად მუშაობის პერიოდში, მაქსიმალურად ვცდილობდი, რომ ჩვენი ინიციატივების დიდი ნაწილი ყოფილიყო სწორედ წარმოდგენილი კერძო სექტორის მიერ, რატომ? იმიტომ, რომ მწამს, თქვენზე უკეთ არავინ არ იცის, რომ გვაქვს დასახვეწი საკანონმდებლო ჩარჩოში, რა ინიციატივები არის განსახორციელებელი, რომ საქართველოს ეკონომიკა კიდევ უფრო სწრაფად განვავითაროთ. ბიზნესომბუდსმენს, როგორც ინსტიტუტს, ამ ყველაფერში მნიშვნელოვანი როლი აქვს. ჩვენ აუცილებლად უნდა ვგრძნობდეთ მაჯის ცემას 24-საათიან რეჟიმში, თუ რა აწუხებს ბიზნესს, რა საკითხები არის ოპერატიულ რეჟიმში გადასაჭრელი და ამავე დროს რა ნაბიჯები გვაქვს ჩვენ გადასადგმელი იმ თვალსაზრისით, რომ შევქმნათ კიდევ უფრო უკეთესი ბიზნესკლიმატი საქართველოში. მეორე წარმატება, რომელიც ვფიქრობ, არის ამავე დროს ჩვენი ნაყოფიერი თანამშრომლობის ძალიან თვალსაჩინო მაგალითი, ეს გახლავთ ის, რომ საქართველო არის მე-6 ადგილზე „დუინგ ბიზნესის“ (doing bussines) რეიტინგში და ეს არის გლობალური წარმატება. მსურს, მადლობა გადავუხადო ყველას, განსაკუთრებით ჩვენი კერძო სექტორის წარმომადგენლებს, რომ ერთობლივი მუშაობით ეს შევძელით“, – განაცხადა მამუკა ბახტაძემ.

მისივე თქმით, ბიზნესომბუდსმენმა თავის გუნდთან ერთად გასულ წელს ძალიან მნიშვნელოვანი სამუშაოა ჩაატარა, ბევრი საკითხი გადაწყდა ოპერატიულად.

„ვფიქრობ, ოპერატიულად საკითხების გადაჭრის მექანიზმი კიდევ უფრო უნდა დავხვეწოთ. გვაქვს წარმატებები ამ მიმართულებით, მაგრამ მოწადინებული ვარ, რომ ჩვენ საკითხები, რომელიც ბიზნესს აწუხებს, კიდევ უფრო სწრაფად გადავჭრათ და ეყოს მექანიზმი. მსურს, ირაკლისა და მის გუნდს მადლობა გადავუხადო საქმიანობისთვის, რომელიც მათ გასწიეს გასულ წელს. მსურს გავიმეორე, რომ წელს ეს წარმატება ყველამ ერთად უნდა ავიყვანოთ აუცილებლად ახალ დონეზე, რაც შესაბამისად, უნდა აისახოს ჩვენს რეიტინგებში, ხოლო ეს ყველაფერი უნდა აისახოს, ბუნებრივია, გაზრდილ ინვსიციებში და უფრო მეტ სამუშაო ადგილში”-განაცხადა ბახტაძემ.

თაიმერი timer.ge
ავტ.: თაიმერი timer.ge თებერვალი 26, 2019 10:47

Google სტატისტიკა


7,810
ვიზიტორი
დღეში
Powered By Google Analytics