ქვემო ქართლში მამაკაცის წამებაში ბრალდებული სამი პირისთვის აღმკვეთი ღონისძიების შეფარდებაზე სასამართლო პროცესი დღეს გაიმართება. პროცესი რუსთავის საქალაქო სასამართლოში 18:00 საათზე დაიწყება.
საქმის მოსამართლე რუსთავის საქალაქო სასამართლოს მაგისტრანტი მოსამართლე ირინა ტყეშელაშვილი იქნება.
პროკურატურა ბრალდებულებისთვის აღმკვეთი ღონისძიების სახით პატიმრობის შეფარდებას ითხოვს.
ქვემო ქართლში, ერთ-ერთ სოფელში 40 წელს გადაცილებული მამაკაცი ხუთმა პირმა აწამა და გააუპატიურა. უწყების ცნობით, ფაქტზე ხუთი პირია დაკავებული.
როგორც დაზარალებულის ახლობლები და თანასოფლელები აცხადებენ, ფაქტში 15-მდე პირი მონაწილეობდა. მამაკაცის ახლობლები ყველა მათგანის დასჯას ითხოვენ.
მომხდარ ფაქტზე გამოძიება სისხლის სამართლის კოდექსის 144-ე პრიმა მუხლით მიმდინარეობს, რაც წამებას გულისხმობს.