მამა გიორგი აბდუშელიშვილის სკანდალურ განცხადებებს საპატრიარქო ეხმაურება

რუის-ურბნისის ეპარქიის მღვდელმსახურის, გიორგი აბდუშელიშვილის სკანდალურ სატელევიზიო განცხადებებს საქართველოს საპატრიარქო სპეციალური განცხადებით ეხმაურება, რომელსაც ,,თაიმერი” უცვლელად გთავაზობთ:
“ამა წლის 3 ივლის ტელევიზია TV პირველი-ის გადაცემა “რეაქციაში” მონაწილეობა მიიღო რუის-ურბნისის ეპარქიის მღვდელმსახურმა, გიორგი აბდუშელიშვილმა, რომელმაც 6 ივლისს სპორტის სასახლეში დაგეგმილ ღონისძიებასთან დაკავშირებული თემის პარალელურად გააჟღერა სიცრუეზე აგებული, შეურაცხმყოფელი და ყოვლად უპასუხისმგებლო ბრალდებები. მის ქმედებასთან დაკავშირებით მრევლი და სასულიერო პირები ითხოვენ დროულ რეაგირებას.
განვმარტავთ, რომ ორი დღის წინ მეუფე იაკობთან (იაკობიშვილი) დარეკა რუის-ურბნისის მმართველმა მღვდელმთავარმა, მიტროპოლიტმა იობმა (აქიაშვილი) და გამთქვა სინანული მომხდარის გამო, ამასთან განაცხადა, რომ მიიღებს მკაცრ ზომებს ზემოხსენებულ სასულიერო პირთან დაკავშირებით. ვფიქრობთ, ახლო მომავალში მეუფე იობი და მისი ეპარქია დააფიქსირებს პოზიციას, ამიტომაც საქართველოს საპატრიარქო ჯერ არ აკეთებს რეაგირებას მომხდართან დაკავშირებით.” ნათქვამია საპატრიარქოს განცხადებაში.

banner
წინა სტატიაშისახელმწიფო უსაფრთხოების სამსახურის ანტიკორუფციულმა სააგენტომ ხუთი პირი პასუხისგებაში მისცა
შემდეგი სტატია“არც ის ვიცი, ვის სურდა ჩემი შვილის დაჭრა”- პრეზდენტის სიძის დედა პირველ კომანტარს აკეთებს