„მალხაზ მაჩალიკაშვილი ძალიან დიდ საფრთხეშია” – ზაზა სარალიძე და ელისო კილაძე პანკისში მიემგზავრებიან

ქეთი ფერაძე
ავტ.: ქეთი ფერაძე აგვისტო 7, 2018 11:07

„მალხაზ მაჩალიკაშვილი ძალიან დიდ საფრთხეშია” – ზაზა სარალიძე და ელისო კილაძე პანკისში მიემგზავრებიან

მალხაზ მაჩალიკაშვილის მხარდასაჭერად ზაზა სარალიძე და ელისო კილაძე პანკისში გაემგზავრებიან.

მოგვიანებით, სამომავლო გეგმებთან დაკავშირებით ერთობლივი განცხადებაც გაკეთდება. ზაზა სარალიძე არ გამორიცხავს, რომ მალხაზ მაჩალიკაშვილი ტერორიზმის ხელშეწყობის ბრალდებით უახლოეს დღეებში დააკავონ.

„მალხაზ მაჩალიკაშვილი ძალიან დიდ საფრთხეშია და არა მარტო მალხაზ მაჩალიკაშვილი. შესაძლოა მეც საფრთხეში ვარ. მე დღესდღეობით საქართველოში დაცულად ვეღარ ვგრძნობ თავს. მალხაზ მაჩალიკაშვილზე შესაძლებელია უკვე განხორციელდეს სამართლებრივი დევნა,“-განაცხადა ზაზა სარალიძემ და აღნიშნა, რომ პანკისშიც სწორედ ამ მიზნით მიდის, რომ მძიმე ბრძოლაში მალხაზ მაჩალიკაშვილის გვერდით დადგეს.

მის წინააღმდეგ პროვოკაციებს ელოდება მალხაზ მაჩალიკაშვილიც. ის ამბობს, რომ სუს-ი ყველაფერს აკეთებს იმისთვის, რათა ის პროვოკაციაზე წამოაგოს. მისივე თქმით, ხელისუფლება ამტკიცებს, რომ ქვეყანაში ჰყავს ტერორისტები, რაც რუსეთის ინტერესებშია.

„რუსეთს ყოველთვის ეს პანკისი ყელში ჰქონდა გაჩხერილი. შევარდნაძე იყო, გაიძახოდა შევარდნაძე არ გვყავსო ტერორისტები. სააკაშვილი იყო გაიძახოდა არ გვყავსო ტერორისტები. დღეს ეს ხელისუფლება „ნააბაროტს” აკეთებს. გაიძახის ტერორისტები გვყავსო. ე.ი. ყოველი გზით ცდილობენ, რომ რუსეთი შემოიყვანოს,“-განაცხადა მალხაზ მაჩალიკაშვილმა.

ქეთი ფერაძე
ავტ.: ქეთი ფერაძე აგვისტო 7, 2018 11:07

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,418
ვიზიტორი
დღეში
Powered By Google Analytics