28 სექტემბერს, ჰოლანდიაში საერთაშორისო საგამოძიებო კომისიამ, რომელიც უკრაინაში, დონეცკის ოლქში 2014 წლის 17 ივლისს მალაიზიური ავიახაზების ბოინგის, რეისი MH17 ამსტერდამ-კუალა-ლუმპურის ჩამოგდებას იძიებდა, გამოძიების შუალედურ დასკვნაში, 21-ე საუკუნის უდიდეს ავიაკატასტროფად მიჩნეულ ინციდენტზე პასუხისმგებლობა რუსეთის ხელისუფლებას დააკისრა.
,,ავსტრალიური ,,ბოინგ -777,, რომლის ბორტზე 283 მგზავრი და 15 ეკიპაჟის წევრი იყო, უკრაინის ტერიტორიაზე, დონეცკის ოლქში, სეპარატისტი ბოევიკების მიერ კონტროლირებადი ტერიტორიიდან, საზენიტო-სარაკეტო კომპლექს ,,ბუკ,,-ის რაკეტამ ჩამოაგდო, რომელიც იმ ტერიტორიაზე რუსეთიდან შეიტანეს,, ნათქვამია საერთაშორისო გამოძიების დასკვნაში.
,,რუსეთს ეგონა, რომ ვიღაც-ვიღაცეები კიდევ დაუჭერდნენ მხარს, რომ დაეფარა ეს დანაშაული… თუმცა არ გამოუვიდა… მარტო დარჩა და გაიშიფრა… ახლა კი ვეტოს ადებს ამ დანაშაულზე საერთაშორისო ტრიბუნალის დაწყებას… ეს კი – იურიდიულ ენაზე ნიშნავს აღიარებით ჩვენებას,, განაცხადა უკრაინის პრეზიდენტმა პეტრე პოროშენკომ.
,,გამოძიება მიკერძოებული და პოლიტიკურად მოტივირებულია,, აცხადებს რუსეთის ხელისუფლება საერთაშორისო გამოძიების დასკვნის შეფასებისას.
