მაკრონი – ისრაელის მიზანი თუ „ჰამასის“ სრული განადგურებაა, მაშინ ომი ათი წელი გაგრძელდება

ისრაელის მიზანი თუ „ჰამასის“ სრული განადგურებაა, მაშინ ომი ათი წელი გაგრძელდება, – ამის შესახებ საფრანგეთის პრეზიდენტმა ემანუელ მაკრონმა განაცხადა.

როგორც მაკრონმა განაცხადა, „სწორი პასუხი“ ტერორისტული დაჯგუფების ქმედებებზე არ არის „მთლიანი ტერიტორიის განადგურება“ ან „სამოქალაქო ობიექტების დაბომბვა“.

„თუ ეს [„ჰამასის“ განადგურება] არის მიზანი, მაშინ ომი ათი წელი გაგრძელდება“, – განაცხადა მაკრონმა.

მან ისრაელის მთავრობას მოუწოდა ამ ბრძოლაში „თავისი მიზანი დააზუსტოს“.

საფრანგეთის პრეზიდენტმა ასევე აღნიშნა, რომ საჭიროა „გრძელვადიანი ცეცხლის შეწყვეტის მისაღწევად ძალისხმევების გაორმაგება, ყველა მძევლის გათავისუფლება, რომლებიც ჯერ კიდევ ჰყავს „ჰამასს“ და ღაზას მოსახლეობისთვის დახმარების მიწოდება, რომელსაც ასე სასწრაფოდ საჭიროებენ“.

banner
წინა სტატიაშიაპარატი – საქართველოში შშმ პირთა უფლებების დაცვის მიზნით საკანონმდებლო დონეზე გადადგმული არაერთი პოზიტიური ნაბიჯის მიუხედავად, კვლავ პრობლემურია პრაქტიკაში მათი სათანადო რეალიზება
შემდეგი სტატია3-4 დეკემბერს ლუკაშენკო ჩინეთს ეწვევა