ამერიკელმა მუსიკოსმა მაიკლ ჯექსონმა, რომელიც 2009 წელს გარდაიცვალა, ცოცხალ და გარდაცვლილ მსახიობებს შორის ახალი ფინანსური რეკორდი დაამყარა -წერს Forbes-ი. 2015 წლის შუა რიცხვებიდან მომღერალმა 825 მილიონი დოლარი გამოიმუშავა. აქედან 750 მილიონი დოლარი The Beatles-ის სიმღერების კატალოგის საავტორო უფლებების გაყიდვამ მოუტანა, რომელიც ჯექსონს ეკუთვნოდა. შეთანხმება მარტში შედგა.
მეორე ადგილზე მხატვარი ჩარლზ შულცი გავიდა, კომიქ Peanuts-ის ავტორი, სადაც მოთხრობილია ბიჭუნა ჩარლი ბრაუნისა და მისი ძაღლის სნუპის ისტორია. კომიქსი მსოფლიოში ყველაზე პოპულარულად ითვლება. მის მიხედვით გადაღებულია ნახატი ფილმიც. შულცი 2000 წელს გარდაიცვალა. მისმა შემოსავალმა 48 მილიონი დოლარი შეადგინა.
