პალესტინის ეროვნული ავტონომიის ხელმძღვანელმა მაჰმუდ აბასმა ბოდიში მოიხადა ჰოლოკოსტზე გამოთქმული მოსაზრების გამო. “თუკი ადამიანებმა თავი შეურაცხყოფილად იგრძნეს პალესტინის ეროვნულ საბჭოს სხდომაზე ჩემს მიერ გამოთქმული აზრის გამო, მე მათ ბოდიშს ვუხდი” – ნათქვამია აბასის განცხადებაში, რომელიც 4 მაისს გამოქვეყნდა. მან, ასევე ხაზი გაუსვა იმას, რომ სრული პატივიცემით არის იუდაიზმისა და სხვა მონოთეისტური რელიგიების მიმართ განწყობილი – “დოიჩე ველე” წერს. მაჰმუდ აბასმა ანტისემიტიზმის ნებისმიერი ფორმა დაგმო, ასევე თქვა, რომ ჰოლოკოსტი “ყველაზე ამაზრზენი დანაშაული იყო კაცობრიობის ისტორიაში” და იმედი გამოთქვა ახლო აღმოსავლეთში ისრაელ-პალესტინას შორის კონფლიქტის დასრულებაზე, რაც ორ ხალხს საშუალებას მისცემს მშვიდობიანად და უსაფრთხოდ იცხოვრონ.
30 აპრილს აბასმა თავის გამოსვლაში განაცხადა, რომ ევროპაში თვითონ ებრაელებმა მოაწყვეს საკუთარი განადგურების პროვოცირება.