თბილისში საყოფაცხოვრებო ტექნიკის მაღაზია „სმაილის” ერთ-ერთი ფილიალი გაქურდეს. გავრცელებული ინფორმაციით, მაღაზიიდან წაღებულია 20-მდე მობილური ტელეფონი, რომელთა საერთო ღირებულება რამდენიმე ათას ლარს აღწევს.
ქურდები, სავარაუდოდ, არასრულწლოვანები არიან.
შემთხვევის ადგილზე მობილიზებული იყვნენ საპატრულო პოლიციის ეკიპაჟები და ექსპერტ-კრიმინალისტები.
მომხდარ ფაქტზე გამოძიება საქართველოს სსკ-ის 177-ე მუხლით მიმდინარეობს, რაც ქურდობას გულისხმობს და სასჯელის სახით ითვალისწინებს თავისუფლების აღკვეთას ვადით ერთიდან სამ წლამდე.
ბერდია კალანდია