მადურო: ვენესუელელი დეზერტირები გადატრიალებას ამზადებენ

თაიმერი timer.ge
: თაიმერი timer.ge იანვარი 30, 2019 21:37

მადურო:  ვენესუელელი დეზერტირები გადატრიალებას ამზადებენ

ვენესუელელი დეზერტირების ნაწილი სამხედრო გადატრიალებას ამზადებს – ამის შესახებ ქვეყნის პრეზიდენტმა ნიკოლას მადურომ განაცხადა – რუსული მედია წერს. მადურომ ოთხშაბათს სამხედროების წინაშე სიტყვით გამოსვლისას თქვა, რომ კოლუმბიელმა ოლიგარქებმა დეზერტირები გადატრიალების მოსაწყობად დაიქირავეს, მათი მიზანია ქვეყნის კანონიერი ხელისუფლების დამხობა და ხელისუფლების შეცვლა. “მონოპოლიური ერთობა, მაქსიმალური მორალი! იქ, სადაც გამყოდველი ჩნდება, მისი სამართალში მიცემა!” – მადურომ სამხედროებს მოუწოდა.
ადრე მან ოპოზიციას მოლაპარაკებებისკენ მოუწოდა.

დღესვე გავრცელდა, რომ ვენესუელას უმაღლესმა სასამართლომ ხუან გუაიდოს, რომელმაც თავი დროებით პრეზიდენტად გამოაცხადა, ქვეყნის დატოვება აუკრძალა და ბანკში აქტივები გაუყინა. ამდაგვარად, სასამართლომ ვენესუელის პროკურატურის მოთხოვნა დააკმაყოფილა გუაიდოსთვის ქვეყნიდან გასვლის აკრძალვის შესახებ. ადრე გენერალურმა პროკურორმა გაავრცელა, რომ გამოძიება დაკავშირებულია “ძალადობის აქტთან, რომელიც ქვეყანაში 22 იანვრიდან ხდება”.

ვენესუელის ეროვნული ასამბლეის ხელმძღვანელმა ხუან გუაიდომ ქვეყნის პრეზიდენტის მოვალეობის შემსრულებლად თავი 24 იანვარს გამოაცხადა. მან თქვა, რომ “მისი მიზანია მთავრობის უზურპაციის დასრულება, გარდამავალი მთავრობის ფორმირება და სამართლიანი არჩევნების ჩატარება.” გუაიდოს ლეგიტიმურობა ლათინური ამერიკის ქვეყანათა უმეტესობამ აღიარა, ასევე, აშშ-მ, კანადამ, ევროკავშირის წევრმა ქვეყნებმა, საქართველომ და სხვებმა.

თაიმერი timer.ge
: თაიმერი timer.ge იანვარი 30, 2019 21:37

დღის ფოტო

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,061
ვიზიტორი
დღეში
Powered By Google Analytics