საფეხბურთო კლუბი მადრიდის რეალი საკუთარი ფონდის მეშვეობით, უკრაინას დასახმარებლად 20 გენერატორს გადასცემს. ამ ნაბიჯით, გუნდი დონეცკის შახტარის სოლიდარობის ინიციატივას დაუჭერს მხარს, რომელიც ზამთრის მოსვლასთან ერთად, უკრაინის მოსახლეობის დახმარებას ისახავს მიზნად.
უკრაინულმა საფეხბურთო კლუბმა, დონეცკის შახტარმა ევროპულ გუნდებს მიმართა, რომ დაეხმარონ გენერატორების მოპოვებაში, რაც უკრაინელ ხალხს ზამთრის პერიოდის უკეთესად გადასალახად დაეხმარება. მადრიდის რეალი 20 გენერატორს უკრაინის სხვადასხვა ოლქში გაანაწილებს.