“პატიმარ სააკაშვილის ჯანმრთელობა არავის ადარდებს, მათ შორის, სამწუხაროდ, არც მის ახლობლებს. იმიტომ, რომ ეს ახსენდებათ მხოლოდ მაშინ, როდესაც ეს ერთიან მოღალატეობრივ პარტიას სჭირდება. აქედან გამომდინარე, მისი ჯანმრთელობის მდგომარეობა, ისევე როგორც უფლებრივი, შესაბამისი უწყებების მხრიდან აბსოლუტურად უზრუნველყოფილია. ჩვენ შეგვიძლია ერთადერთი რამ ვთქვათ, კარგი იქნებოდა, ოჯახის წევრებსა და ახლობლებს ასეთი ძლიერი შთაგონება სააკაშვილზე მაშინ მოეხდინათ, როდესაც ის იმ დანაშაულებს სჩადიოდა, რისთვისაც ახლა სასჯელს იხდის.” – ასე ეხმაურება ქართული ოცნების წევრი, გურამ მაჭარაშვილი მიხეილ სააკაშვილის ოჯახის მოთხოვნას, ექსპრეზიდენტის საზღვარგარეთ სამკურნალოდ გადაყვანასთან დაკავშირებით. მათ ამისთვის ხელისუფლებას დრო ორშაბათამდე, 2 მაისამდე მისცეს.
