უმსხვილესი გერმანული ავიაგადამყვანი Lufthansa რუსეთში რეისების რაოდენობას ამცირებს.
ამის შესახებ განცხადება ავიაკომპანიამ დღეს გააკეთა. სექტემბრის დასაწყისიდან, რეისები სამარასა და ნიჟნი ნოვგოროდში გაუქმდება.
დღეისთვის ორივე ქალაქში კვირაში ოთხ-ოთხი რეისი კეთდება. კონცერნში გადაწყვეტილება «შექმნილი მძიმე ეკონომიკური ფონით» ახსნეს. ასე, რომ სექტემბრიდან Lufthansa მხოლოდ მოსკოვსა და სანკტ-პეტერბურგში იფრენს.
გარდა ამისა, კონცერნი, რომლის მფლობელობაშია ავიაკომოანია Germanwings, Austrian Airlines, Swiss და Brussels Airlines, ვნუკოვოს აეროპორტში ფრენებს შეწყვეტს. ყველა რეისი მხოლოდ დომოდედოვადან განხორციელდება.