ესპანეთის მთავრობამ განაცხადა, რომ მზად არის მიიღოს ნავი “აკვარიუსი”, რომლის ბორტზეც 629 მიგრანტია და რომელიც ახლა სიცილიის ნაპირებთან დგას. ესპანეთის პრემიერ-მინისტრმა პედრო სანჩესმა, რომელიც მთავრობას ორ კვირაზე ნაკლები ხნის წინ ჩაუდგა სათავეში, განკარგულება გასცა, გადარჩენილი ლტოლვილების მისაღებად ვალენსიის პორტი მოამზადონ. “ეს ჩვენი მოვალეობაა – ჰუმანიტარული კატასტროფის თავიდან აცილება და ამ ადამიანებისთვის უსაფრთხო პორტის შეთავაზება” – ნათქვამია განცხადებაში, რომელიც ესპანეთის პრემიერის კანცელარიამ გაავრცელა – “ბიბისი” წერს.
“აკვარიუსი” ერთ დღე-ღამეზე მეტია ხმელთაშუაზღვაში დგას. იტალიის ახალმა შს მინისტრმა მათეო სალვინიმ კვირას უარი თქვა ნავის პორტში შეშვებაზე. ნავში მსხდომი მიგრანტები, ასევე არ მიიღო მალტამ.