ბრიტანეთის საგარეო უწყება ოკუპირებულ სამხრეთ ოსეთში ჩატარებულ ე.წ. არჩევნებს ეხმაურება და მოსკოვს ვალდებულებების შესრულებისკენ მოუწოდებს.
„დიდი ბრიტანეთი გმობს სამხრეთ ოსეთში ჩატარებულ ე.წ. „არჩევნებს“.
რუსეთის მიერ საქართველოს ოკუპირებულ რეგიონებზე კონტროლის შემდგომი გამყარების მცდელობები ძირს უთხრის საქართველოს სუვერენიტეტსა და ტერიტორიულ მთლიანობას და ამას უპასუხოდ არ დავტოვებთ.
რუსეთმა უნდა შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები”, – წერს ბრიტანეთის საგარეო, თანამეგობრობისა და განვითარების მინისტრი, ლორდ ვუდი X-ზე.
