სახალხო დამცველმა ნინო ლომჯარიამ მზადყოფნა გამოთქვა, საკუთარი მანდატიდან გამომდინარე, დახმარება გაუწიოს თამარ ბაჩალიაშვილის ოჯახს.
“ვაკვირდებით მიმდინარე გამოძიებას, შევხვდით ადვოკატსა და საქმეში ჩართულ დამოუკიდებელ ექსპერტს. დამატებით თუ რაიმე თხოვნა ექნებათ სახალხო დამცველთან ან ადვოკატს, ან დაზარალებული ოჯახის წარმომადგენლებს, რა თქმა უნდა, ჩვენ მზად ვართ ნებისმიერ ეტაპზე ჩვენი მანდატიდან გამომდინარე ჩავერთოთ და დამატებით დახმარება გავუწიოთ ამ ოჯახს“, – განაცხადა ლომჯარიამ.
