ლიტვის პრეზიდენტი გიორგი მარგველაშვილსა და ქართველ ხალხს დამოუკიდებლობის დღეს ულოცავს

news
ავტ.: news მაისი 26, 2016 10:30

ლიტვის პრეზიდენტი გიორგი მარგველაშვილსა და ქართველ ხალხს დამოუკიდებლობის დღეს ულოცავს

ლიტვის პრეზიდენტი დალია გრიბაუსკაიტე ლიტველი ხალხის სახელით საქართველოს პრეზიდენტს გიორგი მარგველაშვილს საქართველოს დამოუკიდებლობის 98-ე წლისთავს ულოცავს. როგორც ლიტვის პრეზიდენტის ვებგვერდზე გამოქვეყნებულ განცხადებაშია ნათქვამი, საქართველომ ბოლო 25 წლის განმავლობაში დასავლური ერების საზოგადოებისკენ მიმავალი გრძელი გზა გაიარა. “საერთო ღირებულებებმა, თავისუფლების სიყვარულმა და დემოკრატიულმა არჩევანმა გადააქცია საქართველო აღმოსავლეთ პარტნიორობის ერთ-ერთ ყველაზე წარმატებულ ქვეყნად”, – აღნიშნულია განცხადებაში.

“ლიტვა გააგრძელებს ევროკავშირსა და ტრანსატლანტიკურ საზოგადოებაში პარტნიორებTან და მოკავშირეებთან საქართველოს მჭიდრო კავშირების აქტიურ მხარდაჭერას. ვუსურვებ თქვენს ქვეყანას ერთიანობას და კონსოლიდაციას თავისი არჩევანისკენ მიმავალ გზაზე, რაც წარმატებულ უსაფრთხო ევროპული სახელმწიფოს შენებას გულისხმობს”, – ნათქვამია ლიტვის პრეზიდენტის განცხადებაში.

დალია გრიბაუსკაიტემ საქართველოს პრეზიდენტსა და ქართველ ხალხს წარმატება, კეთილდღეობა და მშვიდობა უსურვა.

news
ავტ.: news მაისი 26, 2016 10:30

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,829
ვიზიტორი
დღეში
Powered By Google Analytics