ლიპეცკის ქალთა კოლონიის 30 პატიმარი უკრაინის წინააღმდეგ საომრად მიდის

ლიპეცკის ოლქის დასახლება ნოვოუგლიანკას ქალთა შრომა-გამასწორებელი კოლონიის 30-მდე პატიმარი უკრაინაში, რუსეთის მხარეს საომრად წასვლას დათანხმდა და თავდაცვის სამინისტროსთან კონტრაქტი გააფორმა, –

ამის შესახებ გამოცემა Sota პატიმართა ახლობლებზე დაყრდნობით წერს.

ამავე დროს, გამოცემა აღნიშნავს, რომ მისი წყაროსთვის უცნობია კონკრეტული თარიღი, თუ როდის გაემგზავრებიან პატიმარი ქალები საომრად, კონტრაქტის ვადა კი ორწლიანია.