მიგრაციის საერთაშორისო ორგანიზაციის (IOM) ინფორმაციით, ლიბიის სანაპიროსთან ნავის ჩაძირვისას 60-ზე მეტი მიგრანტი დაიხრჩო. გემზე 86 ადამიანი იყო.
სავარაუდოდ, დიდ ტალღებმა ნავი ამოაბრუნა. დაკარგულად მიიჩნევიან ნავზე მყოფი ბავშვებიც.
„ლიბია ერთ-ერთი მთავარი გასასვლელი პუნქტია იმ მიგრანტებისთვის, რომლებიც ცდილობენ ხმელთაშუა ზღვის გადაკვეთას და ევროპაში შესვლას“, – წერს „ბიბისი“.
სულ გადარჩენილია 25 ადამიანი. ისინი ლიბიის დაკავების ცენტრში გადაიყვანეს და შესაბამისი სამედიცინო დახმარება გაუწიეს.
