ლიბიაში გარდაცვლილი ქართველი მეზღვაურის დავით რაზმაძის ოჯახის წევრები საქართველოში მეზღვაურის დროულ გადმოსვენებას ითხოვენ. რაზმაძის ოჯახის ინფორმაციით, გარდაცვლილის ცხედარს ექსპერტიზა ორჯერ ჩაუტარდა, თუმცა შედეგები მათთვის უცნობია.
ოჯახი საქართველოს მთავრობას მიმართავს და რეაგირებისკენ მოუწოდებს, რათა ცხედრის დროულად გადმოსვენება მოხდეს. გარდაცვლილის ოჯახი ცხედრის ექსპერტიზის ჩატარებას გადმოსვენების შემდეგ საქართველოშიც გეგმავს. ოჯახი ვარაუდობს, რომ დავით რაზმაძე მოკლეს.
ლიბიაში, შორეულ ნაოსნობაში დაახლოებით სამი კვირის წინ ქართველი მეზღვაური სანაპიროსთან გარდაცვლილი იპოვეს.
