The Times of Israel-ის ინფორმაციით, ლიბანის პრეზიდენტის ჯოზეფ აუნის განცხადებით, ისრაელთან ნებისმიერი პირდაპირი მოლაპარაკების დაწყებამდე მნიშვნელოვანია ცეცხლის შეწყვეტა.
„ლიბანის მიერ ისრაელისთვის მოთხოვნილი ცეცხლის შეწყვეტა ორ ქვეყანას შორის პირდაპირი მოლაპარაკებების ბუნებრივი საწყისი წერტილია“, – ნათქვამია აუნის განცხადებაში.
მანამდე, ისრაელის მეცნიერებისა და ტექნოლოგიების მინისტრმა გილა გამლიელმა განაცხადა, რომ ისრაელის პრემიერ-მინისტრი ბენიამინ ნეთანიაჰუ დღეს ლიბანის პრეზიდენტს ჯოზეფ აუნს ესაუბრება.
ცნობისთვის, აშშ-ის პრეზიდენტმა დონალდ ტრამპმა სოციალურ ქსელში დაწერა, რომ ლიბანისა და ისრაელის ლიდერები მოლაპარაკებებს გამართავენ, რაც ათწლეულების შემდეგ პირველად მოხდება.
„ვცდილობ, ისრაელსა და ლიბანს შორის ცოტაოდენი „სასუნთქი სივრცე“ შეიქმნას. დიდი ხანია, რაც ორ ლიდერს ერთმანეთთან არ უსაუბრია. დაახლოებით 34 წელია. ეს ხვალ მოხდება. მშვენიერია!“– დაწერა ტრამპმა.
