ლევან ვარშალომიძე კონტროლის პალატაში დაიბარეს

news
: news ივლისი 20, 2016 11:40

ლევან ვარშალომიძე კონტროლის პალატაში დაიბარეს

პოლიტიკური პარტიების ფინანსური საქმიანობის მონიტორინგის სამსახურის უფროსის განცხადებით, აჭარის მთავრობის ყოფილი თავმჯდომარე, ლევან ვარშალომიძე კონტროლის პალატაშია დაბარებული.

უწყების კითხვები იმ ხელშეკრულებას შეეხება, რომლის გაფორმებაც გუშინ “ნაციონალური მოძრაობის” ლიდერმა მოსახლეობასთან დაიწყო.

შეგახსენებთ, რომ “საერთაშორისო გამჭვირვალობა – საქართველომ” “ერთიანი ნაციონალური მოძრაობის” წევრის, ლევან ვარშალომიძის წინასაარჩევნო აქტივობასთან დაკავშირებით, განცხადება გუშინ გაავრცელა რომელიც, ორგანიზაციის აზრით, ამომრჩევლის მოსყიდვის ნიშნებს შეიცავს.

“ლევან ვარშალომიძე ინდივიდუალურ ხელშეკრულებებს აფორმებს მეჯინისწყლის დასახლებაში მცხოვრებ მოქალაქეებთან. ხელშეკრულების თანახმად, “ერთიანი ნაციონალური მოძრაობის” აჭარის რეგიონული ორგანიზაცია იღებს ვალდებულებას, რომ ბათუმში მრავალბინიან სახლებს ააშენებს და უსასყიდლოდ გადასცემს დასახლებაში მცხოვრებ პირებს. ამის განხორციელებას “ნაციონალური მოძრაობა” გამარჯვებიდან 4 წლის მანძილზე გეგმავს. “გამჭვირვალობა” აღნიშნავს, რომ ხელშეკრულებაში არ არის მითითებული, რა წყაროებიდან იქნება ეს პროექტი დაფინანსებული”,- აღნიშნულია არასამთავრობო ორგანიზაციის მიერ გავრცელებულ ინფორმაციაში.

news
: news ივლისი 20, 2016 11:40

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,714
ვიზიტორი
დღეში
Powered By Google Analytics