ლევან მიქელაძე: 2 კაცი დავინახე, სროლა-სროლით მომსდევდნენ

region
ავტ.: region ოქტომბერი 19, 2020 20:42

ლევან მიქელაძე:  2 კაცი დავინახე, სროლა-სროლით მომსდევდნენ

გაერთიანებული ოპოზიციის ახალგაზრდული ორგანიზაციის წევრზე ლევან მიქელაძეზე თავდასხმა მოხდა. მის მანქანას ცეცხლი გაუხსნეს და რამდენჯერმე შეეჯახნენ.

ინციდენტი ბოლნისის მუნიციპალიტეტის სოფელ ყიზილაჯლოში მოხდა, სადაც ახლა ექსპერტ-კრიმინალისტები მუშაობენ.

როგორც თავად მიქელაძე ფორმულასთან საუბარში ამბობს, მას ქართული ოცნების შტაბის წევრები 2 მანქანით აედევნენ. მიქელაძის თქმით, მას დაახლოებით 8-10 პირი აედევნა და მათ 6-მდე გასროლა განახორციელეს.

“თბილისისკენ მივდიოდი, როდესაც 2 მანქანა წამომეწია. უნდოდათ ჩემი შენელება და “აბგონზე” გასვლა დავიწყე. მომარტყეს გვერდზე და გადამაგდეს ხევისკენ. მანქანა დავიმორჩილე, ამოვედი და სროლა-სროლით მომსდევდნენ. 2 კაცი დავინახე. ერთი მინდიაშვილი აჩიკო და ბექა, საკრებულოს წარმომადგენელი. ისინი მძღოლები იყვნენ”, – აღნიშნა ლევან მიქელაძემ.

შინაგან საქმეთა სამინისტროში განცხადებას ჯერ არ აკეთებენ. უწყება განმარტებას, სავარაუდოდ, საგამოძიებო მოქმედებების დასრულების შემდეგ გააკეთებს.

region
ავტ.: region ოქტომბერი 19, 2020 20:42