ლევან ხაბეიშვილს სამგორის საოლქო კომისიის თავმჯდომარე დეზინფორმაციის გავრცელებაში ადანაშაულებს. საარჩევნო ადმინისტრაციის წარმომადგენელი ამბობს, რომ ოპოზიციური კანდიდატის მიერ მათი მისამართით გამოთქმული ყველა ბრალდება აბსურდულია.
სამგორის მაჟორიტარი დეპუტატობის კანდიდატმა ბლოკიდან “ნაციონალური მოძრაობა – ძალა ერთობაშია” საოლქო კომისიაში საჩივარი შეიტანა – მიზეზი ოქმებში არსებული დარღვევებია.
ხაბეიშვილის მტკიცებით, სამგორში ათასობით ხმაა დაკარგული და დაფიქსირდა ხელმოწერის გაყალბების შემთხვევებიც.