ლევან ხაბეიშვილი ადასტურებს ინფორმაციას იმის თაობაზე, რომ ის მერიის წინ მიმდინარე აქციის დროს დააკავეს. როგორც ლევან ხაბეიშვილი აცხადებს, ის სუს-ის თანამშრომლებმა დააკავეს და სცემეს. „მომიპარეს სუს-ის თანამშრომლებმა აქციიდან. როდესაც მერიის შენობაში შევყავდი იძახოდნენ რომ დავსაჯოთ , დავსაჯოთო. ფიზიკურად გაგვისწორდნენ წაქცეულზეც მირტყეს. მცემეს, მირტყეს, მერიაში მომიპარეს და შემდეგ გამომაგდეს, რომ ეს მერე არ გვინდაო“,-აცხადებს ლევან ხაბეიშვილი
მისივე თქმით მას ფიზიკურად სამოქალაქო ფორმაში ჩაცმული პირები უსწორდებოდნენ და მათშორის იყვნენ სუს-ის და საპატრულო პოლიციის წარმომადგენლები. ლევან ხაბეიშვილის განცხადებით ამ ფაქტს შეესწრნენ მერიის მაღალჩინოსნები და დაცვის სამსახურის უფროსი.
შეგახსენებთ, რომ მერიის წინ მიმდინარე „ნაციონალური მოძრაობის“ აქციაზე რამდენიმე პირი დააკავეს. მათშორის ვრცელდებოდა ინფორმაცია , რომ დაკავებული იყო ლევან ხაბეიშვილიც.
ოპოზიცია მხარდამჭერებთან ერთად მერიასთან რამდენიმე საათის წინ მივიდა. აქციის მონაწილეები მერთან შეხვედრას ითხოვდნენ და აცხადებდნენ , რომ დავით ნარმანიამ პასუხი უნდა გასცეს მოქალაქეების შეკითხვებს, რომელიც ბიძინა ივანიშვილის კუთვნილი კომპანიისთვის მიწის ფართების გადაცემას შეეხება.