ლევან ჩაჩუას გამამართლებელი განაჩენი სააპელაციო სასამართლომ ძალაში დატოვა

news
ავტ.: news აპრილი 4, 2016 16:51

ლევან ჩაჩუას გამამართლებელი განაჩენი სააპელაციო სასამართლომ ძალაში დატოვა

ექსპერტ ლევან ჩაჩუას საქმეზე გამოტანილი გამამართლებელი განაჩენი დღეს თბილისის სააპელაციო სასამართლომ ძალაში დატოვა. ჩაჩუას ადვოკატის, ზურაბ ტაბიძის განცხადებით, პროკურატურა თბილისის საქალაქო სასამართლოს მიერ გამოტანილი გამამართლებელი განაჩენის, გამამტყუნებელით შეცვლას ითხოვდა. თუმცა, ადვოკატის განმარტებით, არანაირი დამატებითი მტკცებულება მეორე ინსტანციის სასამართლოში ბრალდების მხარემ არ წარადგინა.

“იმ მტკიცებულებებით კი, რაც საქმეში იყო, მოსამართლემ პირველი ინსტანციის იდენტური გადაწყვეტილება მიიღო. მასალები არ იძლეოდა გამტყუნების საფუძვლებს. ჩაჩუა კიდევ ერთხელ გამართლდა. კიდევ ერთხელ დადასტურდა, რომ სამსახურებრივ გულგრილობას ადგილი არ ჰქონია“,-განაცხადა ტაბიძემ.

სამხარაულის ექსპერტიზის ბიუროს ყოფილი ექსპერტი ზურაბ ჟვანიას საქმეზე სამსახურებრივი გულგრილობის ბრალდებით დააკავეს. პროკურატურის მტკიცებით, დაზიანებები ექსპერტმა თავის დროზე სრულად არ ასახა. ჩაჩუამ პატიმრობაში თითქმის ერთი წელი გაატარა.

news
ავტ.: news აპრილი 4, 2016 16:51

Google სტატისტიკა


12,796
ვიზიტორი
დღეში
Powered By Google Analytics