„ერთიანი ნაციონალური მოძრაობის“ ერთ-ერთი ლიდერი ლევან ბეჟაშვილი გიორგი ბარამიძის დაკავებას ეხმაურება.
ბეჟაშვილის შეფასებით, მმართველი გუნდი აგონიაშია, ხოლო ენმ-ის ლიდერის დაპატიმრება და პარტიების აკრძალვის შესახებ გაკეთებული განცხადებები ოპოზიციის წინააღმდეგ დაწყებული ახალი რეპრესიული ტალღის ნაწილია.
„სამწუხაროდ, საქართველო აგრძელებს აბსურდის თეატრში ცხოვრებას. ივანიშვილმა და „ქართულმა ოცნებამ“, როგორც ჩანს, გამოაცხადეს ახალი „ნადირობა“ ოპოზიციაზე და რეპრესიები დააანონსეს. დღეს პაპუაშვილმა გააკეთა განცხადება პარტიების გაუქმებასთან დაკავშირებით, დღეს ოპოზიციონერ ლიდერს იჭერენ.
დღეს გიორგი ბარამიძეს უყენებენ ბრალს ის ადამიანები, რომლებიც ყოველდღიურად ახორციელებენ სახელმწიფო ღალატს… ადამიანი, რომელიც აფხაზეთში იბრძოდა იარაღით, ქართულ სახელმწიფოს აშენებდა და უკრაინაში იბრძოდა თავისუფლებისთვის, ამ ადამიანს სცხებენ დღეს ჩირქს და სახელმწიფო ღალატის მუხლს უყენებენ“, — განაცხადა ლევან ბეჟაშვილმა.
