ზუგდიდში მომხდარ ინციდენტს, რომელიც ფიზიკურ დაპირისპირებაში გადაიზარდა, „რესპუბლიკური პარტიის“ ერთ-ერთი ლიდერი, ლევან ბერძენიშვილი ეხმაურება. უმრავლესობის დეპუტატი მიიჩნევს, რომ ეს დანაშაული უნდა იყოს გამოძიებული და დამნაშავეები დაისაჯონ:
„ძალადობის ყველანაირი გამართლება არის დაუშვებელი. ის, რომ გუშინ კალაძე არასწორად ლაპარაკობდა და კობახიძე წარმოუდგენლად არასწორად ლაპარაკობდა, ჩემში არ იწვევს არანაირ ეჭვს, მაგრამ იმედი მაქვს, რომ მარტო ესენი არ არიან,პარტიაა და ალბათ გააკეთებს სათანადო განცხადებას. ეს იყო ხალხი, რომელიც ხალხის საცემად სპეციალურად ჩავიდა და ზუსტად იცოდნენ, ვინ უნდა ეხემათ და რომელ საათზე. ამიტომ, ამ დანაშაულს სჭირდება გამოძიება და დასჯა“, – განაცხადა ლევან ბერძენიშვილმა.