ლენტეხსა და ხიდისყურში სპეციალური რეჟიმი იხსნება

ლენტეხსა და ხიდისყურში სპეციალური რეჟიმი იხსნება, თუმცა ძალაში რჩება საგანგებო მდგომარეობით გათვალისწინებული შეზღუდვები, – ამის შესახებ პრემიერ-მინისტრის მრჩეველმა, ირაკლი ჩიქოვანმა საკოორდინაციო საბჭოს სხდომის შემდეგ განაცხადა.

მისი თქმით, როგორც ლენტეხის მუნიციპალიტეტში, ასევე სოფელ ხიდისყურში ჩატარდა მნიშვნელოვანი ღონისძიებები.

„10 აპრილიდან ლენტეხის მუნიციპალიტეტში და 13 აპრილიდან ხაშურის მუნიციპალიტეტ სოფელ ხიდისყურში მოქმედებს სპეციალური გამკაცრებული რეჟიმი, რის ფარგლებშიც, დაახლოებით 4500-მდე ადამიანს რამდენჯერმე ჩაუტარდა თერმოსკრინინგი. ასევე, ჩატარდა შესაძლო კრების ყველა კონტაქტის მიზნობრივი კვლევა და მიღებული ინფორმაციის შესაბამისად და ეპიდემიოლოგების რეკომენდაციის გათვალისწინებით, დღეიდან სპეციალური რეჟიმი ამ ორ გეოგრაფიულ პუნქტში იქნება მოხსნილი და 28 აპრილიდან იქ იმოქმედებს ის შეზღუდვები, რაც მოქმედებს მთლიანად საქართველოს ტერიტორიაზე.

როგორც ლენტეხის მუნიციპალიტეტში, ასევე სოფელ ხიდისყურში ჩატარებული იყო მნიშვნელოვანი ღონისძიებები. გამოკვლეულია ყველა კონტაქტი, მაქსიმალურად არის შემოწმებული ყველა ადამიანი. თითოეული მოსახლე ამ გეოგრაფიულ პუნქტების და ამ ყველაფრის ანალიზმა მოგვცა ამ გადაწყვეტილების საშუალება. ეს გადაწყვეტილება დღეს იქნა მიღებული საკოორდინაციო საბჭოზე“, – განაცხადა ირაკლი ჩიქოვანმა.

banner
წინა სტატიაშირესპუბლიკურ საავადმყოფოში მყოფი კორონავირუსით ინფიცირებული ყველაზე მძიმე პაციენტი გამოჯანმრთელდა
შემდეგი სტატიარეგისტრირებული 80 აგრარული ბაზრიდან უმრავლესობა ფუნქციონირების გაგრძელებას ვერ შეძლებს