„ლეიბორისტული პარტია“ სალომე ზურაბიშვილის იმპიჩმენტის პროცედურის დაწყებას მოითხოვს

თაიმერი timer.ge
ავტ.: თაიმერი timer.ge ივლისი 31, 2019 12:57

„ლეიბორისტული პარტია“ სალომე ზურაბიშვილის იმპიჩმენტის პროცედურის დაწყებას მოითხოვს

„ლეიბორისტული პარტია“ სალომე ზურაბიშვილის იმპიჩმენტის პროცედურის დაწყებას მოითხოვს. ამის შესახებ განცხადება შალვა ნათელაშვილმა გააკეთა. „ლეიბორისტული პარტიის“ ლიდერი, პრეზიდენტის გადადგომას მის მიერ, დავით გარეჯთან დაკავშირებით გაკეთებული განცხადების გამო ითხოვს.

შალვა ნათელაშვილი აცხადებს, რომ დავით გარეჯში, ვითარების დაძაბვას პროვოცირება საქართველოს პრეზიდენტმა საკუთარი განცხადებებით გაუკეთა.

„როგორც მოგეხსნებათ, კვლავ მძიმე ვითარებაა დავით გარეჯში. უცხო ქვეყნის შეიარაღებულმა ძალებმა დაიკავეს აღდგომის ტაძრის ჩიჩხიტურის, ბერთუბნის მონაკვეთები და იქ გადაადგილდება, პრაქტიკულად, შეზღუდულია. ახალ ამას შეგვიძლია დავარქვათ ოკუპაცია, წართმევა, მითვისება, მიტაცება, შესაკრებთა გადანაცვლებით ჯამი არ იცვლება. ამ წუთისთვის, დავით გარჯის აღნიშნული მონაკვეთი, ჩვენი იურისდიქციის ქვეშ არ არის. ყველაფერ ამ ტრაგედიაში მაპროვოცირებელი როლი საუბედუროდ, შეასრულა საქართველოს პრეზიდენტმა, სალომე ზურაბიშვილმა, ივანიშვილ-ალიევის რეჟიმთან და მოსკოვთან საერთო შეთანხმებით. როდესაც მან გააკეთა არა ერთ მაპროვოცირებელი განცხადება, საზღვრის დელიმიტაცია-დემარკაციის პრობლემებზე, რაც არ იყო მისი კომპეტენცია და ეს მას შესანიშნავად მოეხსენებოდა. შესაბამისად, ასეთი გადაცდომები არ შეიძლება დარჩეს დაუსჯელი. მე მოვუწოდებ პარლამენტის ოპოზიციურ სეგმენტს, დაიწყეთ იმპიჩმენტი, გადაყენების პროცედურა, საქართველოს პრეზიდენტის მიმართ და ხალხს პირობას ვაძლევთ, რომ ახალი პარლამენტის არჩევისთანავე, ეს პროცესი დამთავრდება წარმატებით და ჩვენ ამგვარ პრეზიდენტს სამუდამოდ მოვიცილებთ თავიდან,“ – განაცხადა შალვა ნათელაშვილმა.

თაიმერი timer.ge
ავტ.: თაიმერი timer.ge ივლისი 31, 2019 12:57

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,804
ვიზიტორი
დღეში
Powered By Google Analytics