რუსეთის საგარეო საქმეთა მინისტრმა სერგეი ლავროვმა ამერიკის შეერთებულ შტატებს დამოუკიდებლობის 250 წლისთავი მიულოცა. მისალოც წერილში ლავროვმა ხაზი გაუსვა, რომ აშშ-ის ისტორიის კრიტიკულ ეტაპებზე, მათ შორის ბრიტანეთის იმპერიისგან დამოუკიდებლობისთვის ბრძოლისა და სამოქალაქო ომის პერიოდში, რუსეთი მუდმივად უჭერდა მხარს ამერიკული სახელმწიფოებრიობის ჩამოყალიბებასა და შენარჩუნებას.
რუსეთის საგარეო უწყების ხელმძღვანელის განცხადებით, ეს მნიშვნელოვანი თარიღი გლობალური წესრიგისთვის კრიტიკულ დროს აღინიშნება. მან მეორე მსოფლიო ომისდროინდელი მოკავშირეობა გაიხსენა და აღნიშნა, რომ მოსკოვი კვლავ გაერო-ს ქარტიის პრინციპების ერთგული რჩება.
„დარწმუნებული ვარ, რომ თანასწორობის, ურთიერთპატივისცემისა და შიდა საქმეებში ჩაურევლობის სულისკვეთებით გულწრფელი დიალოგის აგებით, რომელიც დაფუძნებულია ფუნდამენტური ეროვნული ინტერესების ურთიერთგაგების საფუძველზე, რუსეთი და შეერთებული შტატები შეძლებენ მნიშვნელოვანი შედეგების მიღწევას და ერთობლივად იპოვონ ეფექტური გადაწყვეტილებები ყველაზე რთული გლობალური და რეგიონული პრობლემებისთვის“, – ნათქვამია ლავროვის მისალოც წერილში.
