რუსეთის საგარეო საქმეთა მინისტრმა სერგეი ლავროვმა, დღეს გამართულ პრეს-კონფერენციაზე განაცხადა, რომ რუსეთი იძულებული იყო საქართველოსთან სავიზო რეჟიმი გაემკაცრებინა “ბევრ წილად იმის გამო, რომ პანკისის ხეობაში ტერორისტული საფრთხეები არ გამქრალა”.
ლავროვის თქმით, პანკისის ხეობას ისლამური სახელმწიფო საწვრთნელად იყენებს: “ახლაც მოდის შეტყობინებები, რომ ისლამური სახელმწიფოს მეომრები ამ რთულადმისაღწევ ტერიტორიას საწვრთნელად, დასასვენებლად და მარაგის შესავსებად იყენებენ” – განაცხადა ლავროვმა.
