ლაშა ჟვანია ტექნიკურ შეცდომას უწოდებს ფაქტს, რომ სალომე ზურაბიშვილს 9 აპრილს დაღუპულთა გვარების ჩამოთვლისას თამარ ჭოველიძე არ ამოუკითხავს

თაიმერი timer.ge
: თაიმერი timer.ge აპრილი 9, 2019 18:20

ლაშა ჟვანია ტექნიკურ შეცდომას უწოდებს ფაქტს, რომ სალომე ზურაბიშვილს 9 აპრილს დაღუპულთა გვარების ჩამოთვლისას თამარ ჭოველიძე არ ამოუკითხავს

საქართველოს პრეზიდენტის ადმინისტრაციის ხელმძღვანელი ლაშა ჟვანია ტექნიკურ შეცდომას უწოდებს იმ ფაქტს, რომ პრეზიდენტ სალომე ზურაბიშვილს 9 აპრილს დაღუპულთა გვარების ჩამოთვლისას თამარ ჭოველიძე არ ამოუკითხავს. ამის გამო, ავლაბარში, სახელმწიფო ცერემონიების სასახლე პროტესტის ნიშნად დატოვა თამარ ჭოველიძის მამამ, არკადი ჭოველიძემ.

„ეს იყო ტექნიკური საკითხი, მაგრამ როგორც ნახეთ, პრესსპიკერმა მერე წაიკითხა გვარები.

არ მინახავს მამის პროტესტი, მაგრამ ეს იყო ტექნიკური და სიაში ნამდვილად იყო ჩაწერილი თამრიკო ჭოველიძე“, – განაცხადა ლაშა ჟვანიამ.

9 აპრილს მოკლული 16 წლის თამარ ჭოველიძის მამამ ავლაბრის ცერემონიების სასახლე და პრეზიდენტის მიღება განრისხებულმა პროტესტის ნიშნად დატოვა.

როგორც არკადი ჭოველიძემ განაცხადა, მისი შვილი არავის უხსენებია და დარბაზში სკამიც კი არ იყო, რომ დამჯდარიყო.

„როგორ რატომ მივდივარ? ჩემი შვილი არ ახსენეს საერთოდ. თამრიკო ჭოველიძის მამა ვარ მე და წავიდნენ საერთოდ, ვინ არის ეს მართლა… ჯერ ერთი, დაგვიძახეს, სკამი არ იყო, პუჩისტები ჰყავდათ დამსხდარი იქ და მეორე კიდევ, ჩემი შვილი თუ არ ახსენეს, რისთვის დაგვიძახეს. მე ვინ ვარ, არავინ ვარ ცხოვრებაში, მე არც 9 აპრილს ვყოფილვარ, აქ არ ვიყავი საერთოდ და ჩემი შვილი საერთოდ არ ახსენეს. მე რა ვიცი, რატომ არ ახსენეს, რამე დავაშავეთ, ეტყობა, ჭოველიძეებმა,“ – ამბობს ჭოველიძის მამა.

თაიმერი timer.ge
: თაიმერი timer.ge აპრილი 9, 2019 18:20

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,163
ვიზიტორი
დღეში
Powered By Google Analytics