საქართველოს ძიუდოს ეროვნული ნაკრების წევრი ლაშა შავდათუაშვილი რიო დე ჟანეიროს ოლიმპიურ თამაშებზე ბრინჯაოს მედლისათვის იჭიდავებს.
73 კგ. წონითი კატეგორიის რეპეშაჟში შავდათუაშვილმა რუსი დენის იარცევი იპონით დაამარცხა. ქართველმა ძიუდოისტმა დაძაბული შეხვედრის მოგება ბოლო წამებზე შეძლო. ლაშას მეტოქე ბრინჯაოს მედლისათვის შეხვედრაში აზერბაიჯანელ რუსტამ ორუჯოვსა და ისრაელის წარმომადგენელ საგი მუკის შორის დამარცხებული ძიუდოისტი იქნება, რომლებიც საუკეთესოს ვინაობას ნახევარფინალში არკვევენ.
ლაშა შავდათუაშვილი 2012 წლის ლონდონის ოლიმპიური თამაშების ჩემპიონია 66 კგ. წონით კატეგორიაში.
