“კარგი გამონათქვამია, რომ ყველამ თავისი საქმე უნდა აკეთოს: ექიმმა იექიმოს, მეცხვარემ მეცხვარეობას მიხედოს. თუ პოლიტიკაში გინდა, განაცხადებ და მიდიხარ პოლიტიკაში და ჩვენს ქვეყანაში, მე როგორც ვიცი, არავინ გიკრძალავს. მიკრძალავენ მაგას? შვილები უკვე წამომეზარდნენ, ახლა რომ მომინდეს რატომღაც – გადავაბარო ჩემი ბიზნესი და წავიდე პოლიტიკაში, ამიკრძალავს ვინმე? მე მგონი, ვერა.
მე სულ ვოპონირებ ყველასთან, არ ყოფილა მთავრობა მე რომ არ ვოპონირებდე, იმიტომ რომ ჩემი საქმე ეგ არის: ბიზნესში ვარ, მე მეტს ვითხოვ, მე მინდა სულ მხარდაჭერა, სულ ნაკლები გადასახადი და სულ მეტი შეღავათი. ამდენად, არ ვიცი რა მიიღეს. პოლიტიკაში [ჩარევისგან] რა თქმა უნდა, თავი უნდა შეიკავოს ადამიანმა თუ ბიზნესი ხარ, ბიზნესმენი ხარ – ბიზნესში ხარ”,- თქვა ჟურნალისტებთან ბიზნესმენმა, ლაშა პაპაშვილმა ბიზნესისთვის საჯარო პოლიტიკური აქტივობის აკრძალვის საკითხზე საუბრისას, BMG-ის ცნობით.
