ლარის მასშტაბური გაუფასურება გრძელდება. კომერციული ბანკები ერთ დოლარს უკვე სამ ლარად ყიდიან. ბლუმბერგის სავაჭრო ტერმინალზე კი კურსი ისევ მზარდია, და არაა გამორიცხული დღის ბოლომდე ეროვნულმა ვალუტამ ეს ფსიქოლოგიური ბარიერიც გადალახოს.
დაასრულებს თუ ლარი დღევანდელ დღეს სამი და ნულს ზევითაც, სულ რამდენიმე საათში ვნახავთ, მანამდე კი ბაზარზე პანიკაა. ბიზნესი უკვე აანონსებს საკვებსა და ყოველდღიური მოხმარების საგნებზე ფასების მატებას.