ლარის კურსის რყევა არასწორმა მოლოდინებმა გამოიწვია, სიტუაცია გაამძაფრა ამ თემაზე პოლიტიკურმა სპეკულაციებმაც, – ამის შესახებ ჟურნალისტებს საქართველოს ფინანსთა მინისტრის მოადგილემ, ცოტნე ყავლაშვილმა განუცხადა.
„მოსახლეობაში იყო მოლოდინი, რომ აგვისტოს შემდეგ ლარი გაუფასურებას დაიწყებდა და შედეგად, მოთხოვნა გაიზარდა. სხვა არანაირი ფუნდამენტური პრობლემა არ არსებობს. სიტუაცია ასევე გაამძაფრა ამ თემაზე არსებულმა პოლიტიკურმა სპეკულაციებმაც. მოვუწოდებ მოსახლეობას, არ აყვნენ მსგავს სპეკულაციებს“, – განაცხადა ცოტნე ყავლაშვილმა.