ლალი ტურძელაძე : პირველ საუნივერსიტეტო კლინიკაში საკარანტინო მდგომარეობა 11 მარტიდან არის გამოცხადებული, დღეს კი, ექიმების ერთი ჯგუფი მეორემ შეცვალა

news
ავტ.: news მაისი 1, 2020 13:35

ლალი ტურძელაძე : პირველ საუნივერსიტეტო კლინიკაში საკარანტინო მდგომარეობა 11 მარტიდან არის გამოცხადებული, დღეს კი, ექიმების ერთი ჯგუფი მეორემ შეცვალა

პირველი საუნივერსიტეტო საავადმყოფოს კლინიკური დირექტორი ლალი ტურძელაძე აცხადებს, რომ მათ კლინიკაში საკარანტინო მდგომარეობა 11 მარტიდან არის გამოცხადებული, დღეს კი, ექიმების ერთი ჯგუფი მეორემ შეცვალა.

„საკარანტინო მდგომარეობა ჩვენთან გამოცხადებულია 11 მარტიდან, როდესაც ჩვენი საავადმყოფო გადაკეთდა კორონავირუსთან ბრძოლის პლაცდარმად. ავკრძალეთ კლინიკაში გარედან შემომსვლელთა რიცხვი, რაოდენობა. არ ვუშვებთ კლინიკაში არავის, თანამშრომლების გარდა. ჩვენ აქ ვართ, ვემსახურებით პაციენტებს. საავადმყოფოს მუშაობა არ შეუწყვეტია. დღეს, პირველი რიცხვიდან მოხდა სტაფის შეცვლა. ორ-ორკვირიანი მუშაობის განრიგი გვაქვს“, – განუცხადა ლალი ტურძელაძემ საქართველოს პირველ არხს.

ამასთან, ის არ ადასტურებს გავრცელებულ ინფორმაციას, რომ მათი კლინიკის ექიმს კორონავირუსი აღმოაჩნდა.

„გამორიცხული არაფერი არ არის მაგრამ, ამჟამად არავის დადასტურებია. ყველას, გუშინდელ აღებულ სინჯებში აქვს უარყოფითი. დღეს მივიღეთ სახლში დასვენებული სტაფი და ნამუშევარი გავუშვით სახლებში, ორ-ორკვირიანი რეჟიმი გვაქვს, რომ არ გადაიღალოს ხალხი. საავადმყოფო არ დახურულა, ვღებულობთ პაციენტებს ჩვეულებრივად“, – აღნიშნა ტურძელაძემ.

მან ასევე უარყო, რომ კორონავირუსით ინფიცირებულია კლინიკის თანამშრომელი გინეკოლოგი.

​„ერთი კვირაა, მეკითხებიან და არა, ჩვენსას არც ერთს დადასტურებია, მაგრამ გამორიცხული არაა, რომ ჩვენიც დაავადდეს. გარეთ ვის ვისგან ედება, ისეთია პროცესია, რომ ყველაფერი შესაძლებელია. ჩვენი არავინ არ არის, გვყავს სხვადასხვა ქალაქიდან და კლინიკებიდან სტაფი, მაგრამ ყველა სტაბილურია ამ დროისათვის“, – განაცხადა ლალი ტურძელაძემ.

news
ავტ.: news მაისი 1, 2020 13:35

Google სტატისტიკა


18,783
ვიზიტორი
დღეში
Powered By Google Analytics