ყვარლის მუნიციპალიტეტის სოფელ შილდიდან რამდენიმე კილომეტრში, ლაგოდეხის სასაზღვრო პუნქტზე მესაზღვრე გარდაცვლილი იპოვეს. გარდაცვლილს ჭრილობა ცეცხლსასროლი იარაღით აქვს მიყენებული.
სავარაუდოდ, მესაზღვრემ თავი მოიკლა. შემთხვევა დაახლოებით ერთი საათის წინ მოხდა.
ადგილზე ექსპერტ-კრიმინალისტები მუშაობენ.
მომხდარზე გამოძიება კახეთის საოლქო პროკურატურის საგამოძიებო ნაწილში სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.