ლადო აფხაზავა – საქართველოში რაც შეიძლება მეტი უცხოელი მასწავლებელი უნდა ჩამოვიყვანოთ

region
ავტ.: region მარტი 25, 2019 17:24

ლადო აფხაზავა – საქართველოში რაც შეიძლება მეტი უცხოელი მასწავლებელი უნდა ჩამოვიყვანოთ

ლანჩხუთის მუნიციპალიტეტის სოფელ ჩიბათის საჯარო სკოლის სამოქალაქო განათლების პედაგოგი და „გლობალ თიჩერ 2019“-ის ფინალისტი ლადო აფხაზავა საქართველოში დაბრუნდა.

ლადო აფხაზავას თბილისის საერთაშორისო აეროპორტში კოლეგები და მეგობრები დახვდნენ.

„ცოტა ხანში გამოვალ ინიციატივით, რომ რაც შეიძლება მეტი უცხოელი მასწავლებელი ჩამოვიყვანოთ საქართველოში და შევახვედროთ ქართველ კოლეგებს, რომლებსაც მცირე დახმარება სჭირდებათ. კონკურსი იძლევა საშუალებას, გაიზარდოს გამოცდილება. მსოფლიო დონის მასწავლებლები მოდიან და ატარებენ მასტერკლასებს. ორი წელია, სკოლაში მუშაობის პარალელურად მოსწავლეებს ვხვდები და ვუზიარებ პრაქტიკას. 412 სკოლა მოვიარე და ეს პროცესი გაგრძელდება. ჩემს სკოლაში დავბრუნდები. მე ხომ რიგითი მასწავლებელი ვარ. გავაგრძელებ იმას, რაც დაწყებული მაქვს. რეგიონებში აუცილებლად ვივლი“, – განაცხადა ლადო აფხაზავამ.

ლადო აფხაზავამ „გლობალ თიჩერ 2019“-ზეც ისაუბრა და აღნიშნა, რომ გლობალური ჯილდოს ელჩობა საქართველოსთვის მნიშვნელოვანია. ამასთან, ლადო აფხაზავამ განაცხადა, რომ ბევრი საინტერესო პროექტის განხორციელებას გეგმავს.

„ვიქნები ძალიან აქტიური. არის გეგმები, რომლებზეც ჯერ არ ვისაუბრებ. ვითანამშრომლებ კოალიციასთან „განათლება ყველასათვის“. ბევრ საინტერესო პროექტს განვახორციელებ. ათეულის წევრი მასწავლებლები დაგვთანხმდნენ და ისინი ესტუმრებინ საქართველოს. ეს იქნება განათლების ზეიმი. დანამდვილებით ვიცით, რომ ჩამოვა იაპონელი, ინდოელი, ბრიტანელი და გამარჯვებული კენიელი მასწავლებელი. ის დამპირდა, რომ აუცილებლად ჩამოვა, ძალიან დავმეგობრდით. ისეთმა ღირსეულმა მასწავლებელმა გაიმარჯვა, რომელიც დღეს მეტად სჭირდება მსოფლიოს“, – განაცხადა ლადო აფხაზავამ.

„გლობალ თიჩერ 2019“-ის გამარჯვებული კენიელი მათემატიკისა და ფიზიკის მასწავლებელი პიტერ ტაბიჩი გახდა. გამარჯვებული მასწავლებელი გლობალური დაჯილდოების ცერემონიაზე დუბაიში გამოავლინეს. გამარჯვებული პრიზის სახით მილიონ ამერიკულ დოლარს მიიღებს.

region
ავტ.: region მარტი 25, 2019 17:24

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,479
ვიზიტორი
დღეში
Powered By Google Analytics