“გიორგი კვირიკაშვილი უფრო მეტად მავნებელია, ვიდრე მისი წინამორბედი იყო,” – ასე შეაფასა რუსთავი2-ის გენერალურმა დირექტორმა, ნიკა გვარამიამ, პრემიერის ბოლო განცხადებების საპასუხოდ.
გვარამია ამბობს, რომ პრემიერ-მინისტრის მხრიდან ახალი მესიჯი ისმის, რომ თითქოს რუსთავი2-ის სარედაქციო პოლიტიკა არ შეიცვლება და მხოლოდ მფლობელების შეცვლა მოხდება.
„გიორგი კვირიკაშვილის მტრედთან შედარება არ მომწონს, რადგან ეგეთი უწყინარი, როგორიც მოღუღუნე მტრედები არიან, ნამდვილად არ არის გიორგი კვირიკაშვილი. ის მავნებელია და, ჩემი აზრით, ბევრად უფრო მავნებელია, ვიდრე მისი წინამორბედი პრემიერი იყო. მავნებელია თავისი ფსევდოდემოკრატიული ფასადით, სინამდვილეში იგი აბსოლუტური იდენტური გამტარია ბიძინა ივანიშვილის ხაზით და ეს არის ის ნარატივი, რომელიც ივანიშვილმა დასავლეთის მოსატყუებლად მოიგონა,“ – განაცხადა ნიკა გვარამიამ.
https://youtu.be/9h7LsHmetA4
