კურსკის რაიონში უკრაინელმა სამხედროებმა მოიგერიეს რუსული შეტევა. შეტევისთვის მოწინააღმდეგემ გამოიყენა 50 ტანკი, ქვეითი საბრძოლო მანქანა (IPV), ჯავშანტრანსპორტიორი (APV) და სამოქალაქო მანქანა.
ომის შესწავლის ინსტიტუტის (ISW) ახალი მიმოხილვის თანახმად, უკრაინის შეიარაღებულმა ძალებმა განაცხადეს, რომ შეტევის დროს ბევრი რუსული მანქანა გაანადგურეს.
ამავდროულად, როგორც ანგარიშშია ხაზგასმული, რუსებმა სუჯას რაიონში შეტევის დროს ორი დასახლებული პუნქტის – ლეონიდოვისა და ოლექსანდრიას ოკუპაცია მოახერხეს. რუსები პოგრებკთანაც დაწინაურდნენ. და მიუხედავად იმისა, რომ რუსი ჯარისკაცები აცხადებდნენ, რომ ეს სოფელი უკვე მათ კონტროლს ექვემდებარებოდა, ინსტიტუტში ხაზგასმით აღნიშნეს, რომ ამ განცხადებების დადასტურება ვერ იპოვეს.
ანალიტიკოსების ცნობით, თავის მხრივ, უკრაინის შეიარაღებული ძალები ცოტა ხნის წინ დაწინაურდნენ სუჯას ჩრდილო-დასავლეთით. კერძოდ, უკრაინელი სამხედროები კონტრშეტევას ატარებენ პოგრებკას, სტარაია-სოროჩინას და მიკოლაივკას მიდამოებში.
მოხსენებაში მითითებულია, რომ უკრაინის პრეზიდენტის ვოლოდიმირ ზელენსკის თქმით, 9 იანვრის მდგომარეობით, ომის დროს კურსკის რეგიონში დაიღუპა ან დაიჭრა 4 000 ჩრდილოეთ კორეელი ჯარისკაცი.
ანალიტიკოსებმა აღნიშნეს, რომ ზელენსკის განცხადება მიუთითებს იმაზე, რომ უკრაინის შეიარაღებულმა ძალებმა მოკლეს ან დაჭრეს ჩრდილოეთ კორეის ჯარების დაახლოებით მესამედი.
